AF268: 64r

terkīb‑i bend‑i aʿlā berāy‑i ḥażret‑i Paşa der‑āmeden‑i sefer‑i aʿdā ve fermūden‑i yaġma ve giriḫten‑i Qızılbaş bī‑ser ü pā

hezec: mefāʿīlün ‑ mefāʿīlün ‑ mefāʿīlün ‑ mefāʿīlün

1 Güneş gibi gezüb şarqı ṭolanub mülk‑i Īrānı
Meh‑i nev gibi arturduñ şehā gitdükçe ʿünvānı
Revānından cüdā qılduñ ʿadū‑yi nā‑müsülmānı
Unutdurduñ sipāh‑i düşmene Şīrāz u Şīrvānıı
Ġazā‑yi ekber ėtdüñ bī‑müḥābā qoyalum anı
Sikender gibi seyrān eyleyüb Īrān u Tūrānı
Seʿādetle yine ḥālī [!] qomayub qalb‑i vīrānı
Gelüb devletle teşrīf eyledüñ taḥt‑i [!] dil ü cānı
Şeref ol taḥta [!] kim anı müşerref eyleye ḥānı [!]
Seʿādet ol diyāruñ kim gele ṣıḥḥatle sulṭānı

2 ʿAcem mülkin gezüb pür ẕevq ü şevq ü pür ṣafā geldüñ
Diyār‑i şarqdan ġarba güneş gibi ṭoġa geldüñ
Livā‑yi fetḥi çekdüñ Ḫusrev‑i kişver‑güşā geldüñ
Gürūh‑i ʿasker‑i islāma şāh‑i muqtedā geldüñ
Cünūd‑i Āl‑i ʿOs̱māna delīl ü reh‑nümā geldüñ
Qulūb‑i āşināyı rūşen ėtdüñ rūşenā geldüñ
İzün tozına yüz sürsem n’ola yüzüm baṣa geldüñ
Müşerref qılduñ aḥbābı seʿādetle ṣafā geldüñ
Ṣafā ol cāna kim anı müşerref ėde cānānı
Seʿādet aña kim teşrīf ėde ṣıḥḥatle sulṭānı

3 Hücūm [ėdüp] hünerber ner gibi şīrāne ṣavletle
Qaçurduñ rūbehāsā düşmeni biñ zār u ẕilletle
Ṭaġıtduñ her birin bir gūşeye bād‑i mehābetle
Ser‑i aʿdāyı yeksān eyledüñ ḫāk‑i meẕelletle
Başın toġmaqladuñ aʿdā‑yi dīnüñ gürz‑i himmetle
Revān ėtdüñ aqıtduñ qanların şimşīr‑i ġayretle
Dönüb gün gibi ʿazm‑i Rūm ėdüb devletle ʿizzetle
Gelüb ṣıḥḥatle teşrīf eyledüñ şehri seʿādetle
Şeref ol mülke kim ėde müşerref mīr‑i mīrānı
Ulu devletdür ol‑kim anı teşrīf eyleye ḫānı

4 Çeküp şarqa livā‑yi nuṣreti mihr‑i cihānāsā
ʿAdū‑yi dīne qarşu rāyet‑i fetḥi ėrüb ber‑pā
Ṣalup şimşīr aʿdāya ėdüb nā‑būd u nā‑peydā
Ḫarāb ėdüb revānın ḫānümānın eyleyüb yaġma
Bozub cemʿīyetin ālāyın ėdüb bī‑ser ü bī‑pā
Güneş gibi çıqub bir gūşeden bī‑bāk u bī‑pervā